Komisioni Qendror i Zgjedhjeve do të konstituojë javën e ardhshme me përfaqësues nga radhët e Shoqërisë Civile KZAZ-të në të gjithë vendin, duke zëvendësuar kështu anëtarët që i takonin Partisë Demokratike dhe asaj Republikane. <br /><br />Lajmi konfirmohet për Report Tv nga burime pranë KQZ-së. <br /><br />Po ashtu bëhet e ditur se thirrjes drejtuar Shoqërisë Civile për t'u regjistruar si kandidiatë për Komisionet Zonale të Adminsitrimit të Zgjedhjeve i janë përgjigjur pozitivisht me dhjetra qytetarë.<br /><br />Në këto kushte mësohet se do të vlerësohen të gjithë propozimet dhe brenda javës që vjen do të konstituohen nga KQZ këto komisione zonale.<br /><br />Ky vendim i KQZ pritete të merret në kushtet kur dy partitë e opozitës PD e PR refuzuan të regjistrojnë kandidaturat e tyre për anëtar të KZAZ, duke bërë që KQZ në përputhje me parashikimet e kodit zgjedhor t'i kërkojë Shoqërisë Civile të sjellë propozimet për zëvendësimin e anëtarëve dhe sekretarëve të kzaz.<br /><br />Javën e shkuar KQZ miratoi propozimet e PS dhe LSI për anëtar dhe sekretarë të KZAZ.
