Kufoma e gjetur dy javë më parë në plazhin e Portonovës në Vlorë është 31 - vjeçari Luan Isai. Policia arriti të identifiktojë viktimën, pas analizave të ADN-së, të cilat konfirmuan dyshimin se trupi i dekompozuar i përkiste 31 - vjeçarit, i njohur edhe me emrin Loni.<br /><br />Ky i fundit ishte pronar i një bilardoje në Vlorë, ndërsa pak ditë përpara gjetjes së trupit ishte denoncuar i zhdukur nga familja.<br /><br />Qëndrimi për shumë kohë në ujë, e bëri të vështirë identifikimin. Mjekët ligjorë konfirmuan se vdekja e tij ka ardhur nga mbytja, ndërsa kanë konstatuar edhe disa shenja në trup.<br /><br />Isai u gjet jo shumë larg vendit ku në muajin Shkurt, policia sekuestroi një gomone të braktisur, si dhe disa çanta me rreth 1.3 ton kanabis sativa.<br /><br />Thuajse në të njëjtën ditë, që është denoncuar zhdukja e Isait, policia është njoftuar edhe për zhdukjen e dy personave të tjerë nga Vlora. Ata dyshohet se mund të kenë qenë në gomonen e ngarkuar me drogë.<br /><br />Në përpjekje për t?i shpëtuar policisë, tre personat dyshohet se kanë rënë nga mjeti lundrues në det, çka mund të ketë çuar edhe në mbytjen e Luan Isait.<br /><br />Tv Klan
