Gjatë muajit shkurt, 35 mijë vizitorë të huaj kanë hyrë në Shqipëri për qëllime pushimi dhe vizita ditore.<br /><br />Sipas të dhënave të sapopublikuara nga INSTAT, numri i vizitorëve është thuajse dy herë më i lartë se shkurti i vitit të shkuar, kur për qëllime pushimi hynë në Shqipëri 17 mijë vizitorë.<br /> <br />Në total, numri i shtetasve shqiptarë dhe të huaj të hyrë në territorin shqiptar, në muajin Shkurt 2017 është 464 mijë, me rritje 3,6 % krahasuar me një vit më parë. Numri i shtetasve të huaj të hyrë në vend është 185 mijë 9,5 % më shumë se një vit më parë.<br /> <br />Numri i shtetasve të huaj të hyrë në vendin tonë, në dy muajt e parë 2017 është rritur 4,5 %, në krahasim me të njëjtën periudhë të vitit 2016.<br /><br />Shtetasit shqiptarë dhe të huaj të dalë nga vendi gjatë muajit Shkurt 2017 rezultojnë në total 481 mijë, duke shënuar një rritje me 2,0 %, krahasuar me të njëjtën periudhë të një viti më parë.
