Në Ditën Ndërkombëtare të sëmundjes së Tuberkulozit vendi ynë raporton të dhënat që tregojnë se është në një situatë stabël, ku në 5 vitet e fundit kemi të njëjtin numër të prekurish, 400 raste në vit.<br /> <br />Menaxherja e Programit Kombëtar të Tuberkulozit në Shqipëri, Donika Mema, bëri të ditur se situata epidemiologjike e sëmundjes së Tuberkulozit në Shqipëri për momentin është në gjendje stabël.<br /> <br />Gazmend Bejtja, përfaqësues i Zyrës së Organizatës Botërore të Shëndetësisë në Shqipëri u shpreh se OBSH-ja mbështet të vendet që janë pjesë e saj përsa i përket marrjes së masave për uljen e rasteve të reja të sëmundjes së Tuberkulozit.<br /> <br />Tuberkulozi është një sëmundje e cila sot kurohet me sukses. Është sëmundje e cila diagnostikohet mirë dhe në kohën e duhur.<br /> <br />Duhet që të prekurit të shkojnë përmes të gjithë ciklit të ekzaminimeve, të marrin trajtimin e duhur për kohëzgjatjen e duhur. Trajtimi zgjat me disa muaj, në varësi të formës së Tuberkulozit.
