Gjashtë efektivët e policisë private ?Jaguar Security? të cilës ju hoq dhe leja, kanë shpërdoruar detyrën në bashkëpunim më 9 shkurt 2017 kur në eskortën e tyre u grabitën 3.2 milion euro.<br /> <br />Por çfarë shkeljesh kryen këta efektivë, të cilët tashmë do të përballen me drejtësinë?<br /> <br />Mos vendosja e çantës me sistemin e gjurmimit GPS tek thasët me para sipas prokurorisë është shpërdorim detyre dhe këta efektivë e kanë bërë me vetëdije këtë veprim sqaron akuza.<br />Nuk kanë telefonuar menjëherë sallën operative pas grabitjes sic dhe përcakton rregullorja.<br /> <br />Mungon instruktazhi i punonjësve të kompanisë së sigurimit që kanë transportuar para se si duhet të veprohej në raste të tilla.<br /> <br />Makinat nuk kanë qenë të blinduara dhe janë depërtuar nga predhat e plumbave të qëlluara prej grabitësve. Kjo do të thotë se të gjithë personat nuk duhej që të lëviznin me këto makina, pasi janë jashtë standardit.<br /> <br />Në këto kushte, pa eksperiencë, duke shkelur ligjin, punonjësit me dashje direkte kanë shpërdoruar detyrën. Ata, me dashje, kanë shkelur ligjin, duke mos respektuar kushtet e sigurisë.
