Pajisja që iu sekuestruar shtetasit izraleit Yoram Frig të premten nga policia në Rinas, do të ekzaminohet nga ekspertët në fillim të kësaj jave.<br /><br />Burime nga organi i akuzës thanë për Televizionin Klan se aparatura që dyshohet se ka lidhje me çështje të përgjimit, gjendet në duart e prokurorëve, pritet të dërgohet në Institutin e Policisë Shkencore të hënën.<br /><br />Prokuroria kërkon një ekzaminim shkencor të saj për të parë se për çfarë është përdorur ajo në Shqipëri.<br /><br />Ky ekspertim teknik pritet të përcaktojë në mënyrë të saktë jo vetëm funksionin, por dhe përmbajtjen e aparaturës.<br /><br />Për këtë qëllim prokurorët e çështjes Ndini Tavani dhe Gjergji Tako, pritet të përgatisnin një sërë pyetjesh dhe kërkësash, mbi të cilat do të operojnë ekspertët kriminialistë dhe të inxhinierisë së inovacionit në Policinë e Shtetit.<br /><br />Televizioni Klan mëson se prokrorët nuk kanë përcaktuar ende nëse pajisja është e ligjshme apo jo.<br /><br />Poseduesi i saj, izraeliti Yoram Frig, po qëndron në kryqytet, pasi autoritetet i bllokuan pasaportën.<br /><br />Gjatë marrjes në pyetje në polici, ai është shprehur se aparatura përdorej për të zbuluar mjetet përgjuese dhe se ai ishte kontraktuar nga një biznesmen i përfshirë në politike, i cili dyshonte se përgjohej nga autoritetet.<br /><br />Shtetasi izraelit u ndalua nga policia pasditen e të enjtes në aeroportin e Rinasit, ndërsa po largohej nga Shqipëria, pasi oficerët e policisë dyshuan mbi pajisjen që mbante me vete.
