Polis Shehu ndodhet 25 kilometra nga Librazhdi.<br /><br />Fshat i varfër më 300 banorë. <br /><br />Të miturat po braktisin shkollën dhe martohen... duket si rruga e vetme për t'u larguar nga këtu.<br /><br />Dy vajza të klasës së gjashtë dhe njëra e klasës së nëntë sapo janë celebruar.<br /><br />Dy nga ato janë motra. Nëna e tyre ka pak fjalë për të thënë.<br /><br />Të rriturit nuk e kanë pritur mirë këtë fenomen. Ka prej tyre që thonë se duhet një ligj për të penguar fejesa e martesa të minoreneve.<br /><br />Por ka dhe nga ato që fajësojnë prindërit e vajzave.<br /><br />Në të vërtetë, fshati Polis Shehu është një vend që nuk të afron asgjë. Jeta këtu vjen nga ajo pak bujqësi e blektori.<br /><br />Por për mësuesit, ky është një alarm. Ata janë të irrituar dhe të ardhmen e zonës e shikojnë të zymtë, me njerëz analfabetë dhe të prapambetur.<br /><br />Shaban Gjyra thotë se njëra nga vajzat ishte një nxënëse shumë e mirë, nuk duhej të ndodhte pikërisht kështu, të largohej nga bankat dhe të martohej.<br /><br />Për këtë mësues të irrituar, vendime të tilla në zonat e prapambetura të Librazhdit, po i nxit feja.<br /><br />Por pavarësisht nëse njëra palë mendon zgjidhje te martesa e hershme e fëmijëve, kurse pala tjetër është kundër, këtu mes maleve të Librazhdit jeta duhet të jetë një ferr. <br /><br />Edhe përshëndetjet e banorëve nuk duken normale. Kur dikush i huaj shkon në fshatin e tyre, shikojnë si të habitur. Është aq varfëri dhe izolim, saqë askush smund t'u tregojë këtyre njerëzve se si duhet të jetojnë më mirë.
