Afati i fundit për regjistrimin e kandidatëve dhe koalicioneve që do të marrin pjesë në zgjedhjet e parakohshme të 7 Majit në Kavajë është data 8 Prill.<br /><br />Në mbledhjen e sotme Komisioni Qendror i Zgjedhjeve ka vendosur dhe afatet për regjistrimin e partive politike dhe komisionereve të KZAZ për këto zgjedhje.<br /><br />Opozita ka deklaruar se nuk do të jetë pjesë e këtyre zgjedhjeve, ndërsa socialistët kanë nisur përzgjedhjen e kandidatëve për garën e 7 Majit, ku më e favorizuar duket Silvana Daja, bashkëshortja e kryetarit të Partisë Socialiste të Kavajës Gentian Daja.<br /><br />Ky i fundit dha dorëheqjen në fundjave pasi Asambleja e Partisë përzgjodhi bashkëshorten e tij dhe 5 kandidatë të tjerë për t'ia propozuar kryesisë socialiste si kandidatura potenciale për të garuar si zëvendësues të Elvis Roshit, në krye të Bashkisë së këtij qyteti.<br /><br />Ndërkohë ende nuk dihet nëse në këto zgjedhje Partia Socialiste dhe Lëvizja Socialiste për Integrim do të dalin si koalicion pasi marrëveshja e tyre e bashkëqeverisjes përfundon në 22 Prill.<br /><br />Ndërkohë KQZ i ka dhënë mandatin e deputetit Petrit Gjonit, nga lista shumë emërore e LSI për qarkun e Lezhës, mandat që kjo parti ia merr aleatëve socialistë pas dorëheqjes së Armando Prengës, i cili po hetohej nga prokuroria si subjekt i ligjit të Dekriminalizimit.<br /><br />Tv Klan
