LEZHË- Një vajzë 8-vjeçare ka rënë nga kati i 6 i një pallati në qytetin e Lezhës, ku për pasojë ka humbur jetën disa orë pas ngjarjes në Spitalin e Traumës në Tiranë. <br /><br />Ngjarja ndodhi rreth orës 12 e 30 minuta në lagjen ?Besëlidhja? në banesen ku jetonte e mitura me iniciale K.P.<br /> <br />Sipas të dhënave vogëlushja ka qenë duke luajtur në ballkonin e apartamentit, kur është rrëzuar.<br /> <br />Vajza ka qenë vetëm brenda banesës, pasi nëna e saj kishte dalë për të blerë ushqime.<br /> <br />Kanë qenë banorët e zonës të cilët kanë parë ngjarjen dhe i kanë ardhur menjëherë në ndihmë të miturës.<br /> <br />Ata e dërguan me urgjencë në Spitalin e Lezhës ku pasi mori ndihmën e parë u dërgua me urgjencë nëpërmjet helikopterit në Spitalin e Traumës në Tiranë.<br /> <br />Pavarësisht ndihmës që iu dha në spital, vogëlushja humbi jetën rreth katër orë pas ngjarjes në Spitalin e Traumës në kryeqytet.
