IRANE-Gjetja e 513 rrënjëve cannabis të sapo mbjellaa në një parcelë në fshatin Godull në qarkun e Kurbunit ka shkaktuar fortunë në policinë e Lezhës dhe Lacit.<br /><br />Policia e Shtetit pezulloi si dhe shkarkoi disa punonjës të saj në lidhje me masat e marra nga Policia e Shtetit për parandalimin dhe goditjen e kultivimit të kanabisit.<br /><br />Kreu i Policisë së Shtetit, Haki Cako bëri të ditur në një konferencë për shtyp se është përjashtuar nga policia Feliks Hysa, shefi i Komisariatit të Laçit, pasi SHÇBA ka zbuluar parcela me drogë që ai nuk i ka raportuar.<br /> <br />Sipas Cakos, Feliks Hysa ka shpërdoruar detyrën gjatë një operacioni anti-drogë.<br /> <br />Policia e Shtetit thekson se në vijim të kontrollit të territorit, më datë 01.04.2017, në vendin e quajtur Godull, në një zonë të pyllëzuar, në rrethin Kurbin, nga shërbimet e Stacionit të Policisë Kufitare Shëngjin Lezhë, është konstatuar një parcelë e porsa mbjellë me fidanë të dyshuar Cannabis Sativa.<br /><br />Në parcelë janë evidentuar 513 fidanë Cannabis Sativa, në lidhje me këtë fakt janë kryer të gjitha veprimet hetimore dhe proceduriale, në kontakt me Prokurorinë e Rrethit Gjyqësor Kurbin.<br /><br />Ai së bashku me 5 policë të tjerë u përfshinë në operacion, por mbajtën të fshehtë kultivimin e kanabisit.
