Pasi pagoi kafet e kryetarit të Partisë Socialiste të Tiranës Saimir Tahirit dhe kryebashkiakut Erion Veliaj, Edi Rama iu drejtua bashkë me ta Asamblesë Kombëtare, me mesazhe të qarta për zgjedhjet e 18 qershorit. Data nuk do të ndryshojë, thotë kryeministri dhe këtë e ilustron me një shembull nga futbolli, sportin që i kushton jo pak vëmendje.<br /><br />Përveç ftesës për të dalë nga çadra, kryeministri nuk ka asnjë ofertë tjetër për t?i bërë opozitës.<br /><br />Rrugën që po ndjek Partia Demokratike e sheh si atë të vetëshkatërrimit. Ndaj, atyre qe e mbështesin kundërshtarin u kërkon të bëjnë kujdes.<br /><br />Teksa për opozitën s?ka lëshime, për aleatin e tij Ilir Meta, vazhdon të qëndrojë e hapur ftesa për të çuar sëbashku përpara reformat. LSI i njeh meritat e progresit, por ka jo pak kritika edhe për ministrat e saj.<br /><br />Pavarësisht ftesës dhe durimit për ta pritur LSI deri ditën e fundit kur përfundon dhe koha për regjistrimin e partive në KQZ, Rama i kujton, se PS ka të tjerë aleatë me të cilët po negocion marrëveshje parazgjedhore.<br /><br />Socialistëve Rama u kërkoi që të punojnë 75 ditët e mbetura deri në 18 qershor për të mbrojtur çdo votë, jo nga frika se dikush mund t?i vjedhë ato, por nga indiferenca dhe pakënaqësia e votuesve ndaj Partisë Socialiste./ TV KLAN<br /><br />Rama i bën ftesë Metës për koalicion, ?I takon LSI të vendosë për 4 vitet e ardhshme?<br /><br />Pasi deklaroi nga asambleja e PS se data e zgjedhjeve nuk do të shtyhej, kryeministri i vendit, Edi Rama i ka bërë thirrje publike kryetarit të LSI, Ilir Metës duke u shprehur ?Ky koalicion është më i pëlqyeshmi, i takon LSI të vendosë për 4 vitet e ardhshme?.<br /><br />Vizioni dhe interesi strategjik i PS në këtë moment kyç imponon thellimin për të fuqizuar shtetin, për ta bërë Shqipërinë europiane realitet, ne as e kemi diskutuar dhe as e diskutojmë deri në çastin e fundit koalicionin e fundit ku jemi.<br /><br />Partneriteti me LSI është i padiskutuar dhe ne do të shkojmë në këto zgjedhje për të marrë çdo votë të mundshme për partinë socialiste. <br /><br />E quajnë një marrëveshje për pushtet e dhe ngjyrosin sipas portalit. Sa për mua cilësia e këtij partneriteti nuk matet më gjërat që nuk shkojnë, as me sasinë e helmit, por matet me sa shumë reforma kemi kaluar sëbashku për të bërë shtet. Matet me faktin se nga fillimi i kësaj qeverisje dhe deri tani figurojnë 210 mijë njerëz në punë, jo në sektorin bujqësor dhe nuk matet sa ministra të LSI mungojnë në Parlament.<br /><br />Nuk ka asnjë diskutim vlera e partneritetit me LSI, ne jemi PS, partia me aftësinë më të madhe programore, partia me historinë më të lavdërueshme në përpjekjen për të bërë shtetet.<br /><br />Të gjitha këto shkojnë bashkë me peshën më të madhe të përgjegjësisë për fatet e vendit. Duke qenë se pala jonë është e qartë, i takon LSI për pozicionin e saj për 4 vitet e ardhshme./tvklan.al
