Kryeministri Edi Rama dhe aleati kryesor në qeverisje, Ilir Meta zhvilluan një takim për rreth 4 orë në një nga restorantet te 'Pazari i Ri' në Tiranë.<br /> <br />Takimi mes kryeministrit dhe kryetarit të Kuvendit, ku pjesë e tryezës ishin edhe Erion Veliaj me Petrit Vasilin nisi rreth orës 21:00 dhe përfundoi në orën 01:00 pas mesnate.<br /> <br />Në qendër të diskutimit mes dy aleatëve në qeverisje ishte rinovimi i koalicionit edhe për një tjetër mandat, por ende nuk dihet se çfarë është vendosur në përfundim të 4 orëve.<br /> <br />Nga takimi i pari doli i buzëqeshur kryeministri Rama me kryebashkiakun Erion Veliaj, ndërsa disa minuta pas tij u largua edhe kryetari i Kuvendit, Ilir Meta me Petrit Vasilin.<br /> <br />Të dy palët, si Rama edhe Meta nuk kanë pranuar që të japin prononcime për mediat që ishin të pranishme poshtë restorantit ku po darkonin liderët e shumicës.<br /><br />Takimi mes Ramës dhe Metës erdhi një ditë pas 1 Prillit, data e marrëveshjes së 4 vite më parë dhe pak orë pas ftesës që Rama i bëri kryetarit të LSI gjatë punimeve të Asamblesë së PS.<br /> <br />Rama u shpreh se socialistët janë gati, ndërsa i takon LSI për të vendosur. Por për të mësuar nëse Meta ka pranuar apo jo për të vazhduar bashkëqeverisjen duhet të pritet për ditën e nesërme për të zbardhur takimin mes dy palëve.
