TIRANE- 20 të rinj të moshës 18 ? 30 vjeç prezantuan sot përpara një jurie vlerësuese projekt - idetë e tyre të biznesit, në kuadër të Programit të Vetëpunësimit.<br /><br />Ky projekt synon të mbështesë të rinjtë përmes këshillimit dhe anës financiare që këto ide të kthehen në biznese të qëndrueshme. Ministrja e Mirëqenies Sociale dhe Rinisë, Olta Xhançka, pasi u njoh nga afër me projekt idetë e të rinjve, u shpreh se qëllimi kryesor i këtij programi është nxitja dhe aktivizimi i fuqisë punëtore për t?u përfshirë efektivisht në tregun e punës.<br /><br />?Zhvillimi i një kulture sipërmarrëse është kyç për krijimin e një shoqërie jo vetëm për tu përballur me sfidat e të përditshmes por dhe për të përfituar sa më shumë nga konkurueshmëria e një ekonomie që sa vjen dhe bëhet më globale?, tha ministrja Olta Xhaçka.<br /><br />Të rinjtë që do të kalojnë provën e fundit do të përfitojnë një shumë prej 500 mijë lekësh të reja, si dhe mbështetje këshillimore gjatë zhvillimit të planit të biznesit.<br /><br />?Dhe gjatë fazës aktuale të programit të vetëpunësimit, janë rreth 300 të rinj dhe të reja që vijnë nga e gjithë Shqipëria të cilët kanë aplikuar, 100 prej të cilëve kanë përfituar trajnimin për programin e vetëpunësimit dhe sot kemi 20 prej tyre dhe në ditët në vijim do të kemi 40 të tjerë të cilët do të kenë mundësinë të prezantojnë idetë e tyre para një paneli profesionistësh?, u shpreh Xhaçka.
