Kryetari i Partisë Demokratike, Lulzim Basha, zhvilloi një takim me aleatët në selinë e PD-së, për të diskutuar mbi zhvillimet e fundit të situatës politike. <br /><br />Në fokus të takimit ishte dhe propozimi i Ilir Metës për të krijuar një "qeveri besimi", ofertë për të cilën opozita ka dalë me një qëndrim zyrtar. <br /><br />Demokratët dhe aleatët e tyre, përmes një deklarate, kanë shprehur gatishmërinë për të dialoguar zgjidhjen e ngërçit politik, përmes krijimit të qeverisë teknike.<br /><br />Ky qëndrim le të kuptohet se opozita mund të dalë nga çadra dhe t'i rikthehet jetës parlamentare pas 46 ditësh jashtë institucioneve, nëse përmbushet ky kusht.<br /><br />"Koalicioni Opozitar rikonfirmon gatishmërinë për nisjen e dialogut politik për qeverinë teknike dhe fton Edi Ramën të heqë dorë nga kushtet dhe të vendosë interesat e vendit dhe të qytetarëve shqiptarë para interesave personale të pushtetit të tij", thuhet në deklaratë.
