Kryeministri Edi Rama dhe kryetari i Partisë Demokratike Lulzim Basha po mbajnë hapur prej disa ditësh një linjë komunikimi në përpjekjen për t?u ulur në një tryezë dialogu, si hapi i parë për zgjidhjen e situatës politike.<br /><br />Tryeza e bisedime po zë vend kryesor në deklaratat e ditëve të fundit dy liderëve, por ajo çfarë i mban ende larg tryezës janë modalitetet e takimit.<br /><br />Televizioni Klan mësoi nga burime pranë qeverisë se Kryeministri Edi Rama, ashtu siç është shprehur publikisht, ka lënë të hapur mundësinë për të diskutuar për të gjitha çështjet dhe kërkesat e opozitës, përfshirë qeverinë teknike apo shtyrjen e zgjedhjeve, ndonëse i sheh se të parealizueshme dhe jashtë kornizës kushtetues.<br /><br />Burime pranë qeverise sqaruan se i është lënë në dorë të stafit të kryetarit të Partisë Demokratike ora, data, vendi dhe formati i takimit, kokë me kokë ose me aleatë të caktuar, apo të gjithë bashkë.<br /><br />Por pika në të cilën nuk bie dakord Basha është vetëm një dhe nuk ka të bëjë me ato të parashtruara nga Kryeministri.<br /><br />Televizioni Klan mësoi nga zyrtarë të lartë të Partisë Demokratike se Basha këmbëngul për të shkuar në një takim të përgatitur paraprakisht.<br /><br />Kjo, sipas tyre, kërkohet për të evituar një takim që nuk do të prodhojë asgjë të re, ashtu siç ndodhi me tryezën e Reformës në Drejtësi.<br /><br />Nga stafi i Kryeministrit sqarohet se tryeza do të jetë pikërisht për të parë pikat në të cilat mund të bihen dakord dhe asgjë nuk mund të pranohet paraprakisht. <br /><br />Tv Klan
