Katër persona mbetën të plagosur mesditën e kësaj të premteje në një lokal në dalje të Elbasanit. Ngjarja ndodhi kur dy vëllezërit, Franc e Hajdar Copa u konfliktuan me dy persona të tjerë, Julian e Klevis Gjini.<br /><br />Ata u përfshinë fillimisht në një sherr me sende të forta e grushta, ndërsa më pas konflikti precipitoi me përdorimin e armëve.<br /><br />Nga të shtënat mbetën të plagosur dy kushërinjtë, Armando e Klevis Gjini, si dhe Hajdar Copja.<br /><br />Në vendin e ngjarjes, policia sekuestroi 13 gëzhoja të kalibrave 7.65 mm dhe 9 mm, që i përkasin dy armëve të ndryshme.<br /><br />Shkak për konfliktin, sipas policisë dyshohet të jetë bërë një konflikt i vjetër mes të rinjve kur kanë qenë rezidentë në Angli. Klevis Gjini, dyshohet se mund të jetë përfshirë në trafik droge në Britani.<br /><br />Hetuesit po verifikojnë edhe pista ta të tjera të mundshme të ngjarjes. Policia ka shoqëruar të afërm të palëve, apo dëshmitarë që mund të kenë dijeni mbi rrethanat e kësaj ngjarjeje.<br /><br />Tv Klan
