Pas Fondit Monetar Ndërkombëtar, edhe Banka Botërore këshillon Shqipërinë që të llogaritë shpenzimet që do të japë në të ardhmen për projektet në partneritet me privatin si detyrime.<br /><br />Sot vendi ynë nuk i ka të llogaritura shumat që duhet të paguajë vitet në vijim në shumë kontrata konçesionare, edhe pse pagesa e tyre është e pashmangshme.<br /><br />Banka thotë se si shumë vende në Ballkanin Perëndimor, ?Shqipëria e ka të vështirë të vendosë një rregull fiskal. Ndër sfidat më të mëdha për detyrimet e të ardhmes, janë ato që rrjedhin nga projektet në formën PPP.?<br /><br />Vendi ynë vijon të mbajë vendin e parë në rajon për kreditë e këqija. Në raportin e fundit të zhvillimeve ekonomike në Ballkanin perëndimor, Banka Botërore vëren se Shqipëria udhëheq rajonin për nivelin e lartë të kredive me probleme.<br /><br />Në fund të raportit, banka nënvizon se të gjitha vendet duhet të bëjnë kujdes gjatë vitit 2017-të për risqet e jashtme të cilat mund të ulin investimet e huaja dhe eksportet.<br /><br />Tv Klan
