Një ditë pasi maxhoranca miratoi në Kuvend tre anëtarët e saj për njërin nga komisionet Ad -Hoc që do të verifikojnë kandidatët për institucionet e vetingut, Lulzim Basha e quajti Vettingun një projekt mafioz, ne të cilin sipas tij janë implikuar veç kryeministrit Rama edhe diplomate te huaj. Nga çadra e opozitës Basha tha se ora e llogaridhënies përpara autoriteteve në Bruksel për diplomatët e përfshirë në këtë komplot po afron.<br /><br />Lulzim Basha <br /><br />?Me vettingun në drejtësi dëshiron të fusë nën dorë aparatin e drejtësisë me qëllim që as miqtë e tij as krimi të kenë ferr në këmbë. Projekti i Vettingut është projekt mafioz ku janë përfshirë diplomatë të lartë në Tiranë për llogari të Edi Ramës, kanë marrë peng ekspertët e BE dhe së shpejti ora do të vijë kur të japin përgjegjësi demokratike në një institucion demokratik siç është BE.?<br /><br />Para mbështetësve të opozitës Basha përsëriti kushtin e panegociueshëm për qeverinë teknike dhe tha se largimin e kreut të qeverisë e sheh si shenjën minimale të përgjegjësisë së Ramës për kanabizimin dhe kriminalizmin e vendit.<br /><br /> ?Oferta jonë për qeverinë teknike është ofertë e zemërgjerësisë tipike opozitare, sepse jemi në të drejtën tonë të kërkojmë jo vetëm largimin, por edhe arrestimin dhe procedimin e kreut të kësaj masakre të këtij shkatërrimi që i është bërë vendit. Ta harrojë çdokush pavarësisht sa nga maja e cilës thanë flet, se ne do tërhiqemi pa largimin e Ramës nga karrigia kryeministrore, ky është kushti minimal për zgjedhje të lira dhe të ndershme?.<br /><br />Në përgjigje të deklaratës së bërë nga eurodeputeti Knut Flekeinshtejn se qeveria teknike në Shqipëri nuk është domosdoshmëri si në Maqedoni, kreu I opozitës tha se situata në vend është dhjetë herë më alarmante se në vendin fqinj.<br /><br />Tv Klan
