Janë 45 parti politike të regjistruara në Komisionin Qendror të Zgjedhjeve për të marrë pjesë në procesin elektoral të 18 qershorit.<br /> <br />Ndërsa Partia Demokratike me koalicionin e opozitar që përbëjnë 28 parti politike nuk janë regjistruar në këtë proces ndonëse tashmë afatet ligjore për këtë proces janë tejkaluar.<br /> <br />Listës së partive politike që janë regjistruar në këto zgjedhje i janë bashkuar edhe parti të djathta si ajo e Bamir Topit dhe partia e Gjergj Bojaxhi, drejtuesit e të cilave kanë mbajtur poste të larta në partinë demokratike.<br /> <br />Në 9 mars partitë e koalicionit opozitar iu drejtuan me një shkresë të përbashkët Komisionit Qendror të Zgjedhjeve ku i bëjnë me dije se nuk do të regjistrohen në zgjedhjet e 18 qershorit pa u arritur qeveria teknike.<br /> <br />Vendimi i opozitës u konkretizua edhe këtë të hënë nga koalicioni opozitar ku këto forca politike vendosën të mos regjistrohen në KQZ pavarësisht afatit final që ishte me 10 prill.
