Një laborator i përpunimit të kanabisit është zbuluar në Skrapar këtë të mërkurë, sëbashku me një sasi të konsiderueshme bimësh të reja dhe drogë të tharë.<br /><br />Ai ishte ngritur në këtë magazinë, që shihni në këto foto, që gjendet në afërsi të Hidrocentralit të Vlushës.<br />Burime nga Prokuroria e Krimeve të Rënda bënë të ditur për Televizionin Klan se laboratori ishte nga më modernët, të gjetur ndonjëherë në vendin tonë.<br /><br />Ai ishte i pajisur me mjetet më moderne sa i përket ndriçimit, ngrohjes dhe vaditjes së bimës narkotike.<br /><br />2 mijë rrënjë janë gjetur të mbjella në vazo të mëdha.<br /><br />Bashkë me to u gjetën sasi të konsiderueshme kanabisi të tharë, e cila përllogaritet në disa ton.<br /><br />Flitet për 6 ton drogë, por kjo shifër nuk është zyrtare.<br /><br />Dy persona që po çmontonin pajisjet e laboratorit, u arrestuan.<br /><br />Zbulimi i laboratorit është vazhdim i operacionit të dy javëve më parë në fshatin Lapan të Beratit, ku 1,2 ton kanabis e futur në disa thasë u gje në një magazinë.<br /><br />Për këtë rast u shpallën në kërkim 7 persona nga Prokuroria për Krimet e Rënda.<br /><br />Tv Klan
