Janë 431 fëmijë në situatë rruge që janë larguar prej asaj. Ky numër është konfirmuar nga Ministrja e Mirëqenies Sociale dhe Rinisë, Olta Xhaçka, në takimin sensibilizues në ditën ndërkombëtare të fëmijëve në situatë rruge.<br /> <br />Po sot u celebrua edhe ngritja e rrjetit shqiptar të qendrave për fëmijët në situatë rruge.<br /> <br />Xhaçka u shpreh se nxjerrja e fëmijëve nga rruga është përgjegjësi e të gjithëve.<br /> <br />Nga të dhënat publike 107 prindër, të cilët nxirrnin fëmijët në situatë rruge, janë punësuar. 234 fëmijë janë regjistruar në shkolla dhe 88 të tjerë në kopshte.<br /><br />Po në harkun kohor të një viti, janë referuar për ndjekje penale 29 shfrytëzues, ndërsa shifra totale e fëmijëve të identifikuar në situatë rruge janë 578.
