Frika nga sulmet terroriste dhe thirrjet për destabilitet detyrojnë Policinë e Shtetit të rrisë masat e sigurisë në kisha dhe institucione të rëndësisë së vecantë gjatë ditëve të pashkëve. Masa shtesë dhe në akset rrugore e pikat e kalimit kufitar.<br /><br />Si rrallëherë, në kuadër të festës së Pashkëve, Policia e Shtetit njoftoi sot se ka marrë masa shtesë për rritjen e parametrave të sigurisë së qytetarëve.<br /><br />Përmes një njoftimi për mediat, Policia bën me dije se është hartuar një plan masash i veçantë në bazë të së cilit do të shtohen prezenca policore në akset nacionale dhe akset kryesore rurale, në objektet fetare si dhe në ambientet ku do zhvillohet festa e pashkëve.<br /> <br />Shtimi i masave të sigurisë është bërë dhe për të parandaluar ngjarjet me karakter terrorist. <br /><br />Masa janë marrë edhe nga Policia Kufitare në burime njerëzore dhe infrastrukturore.<br /> <br />Në këtë kuadër në porte, aeroport dhe në pikat e kalimit kufitar, janë shtuar sportelet me qëllim krijimin e lehtësirave ligjore për të gjithë shtetasit vendas e të huaj që do të hyjnë apo dalin nëpërmjet pikave të kalimit porteve dhe aeroportit duke shmangur vonesat dhe radhët e gjata.
