Subscribe në Ora News këtu http://bit.ly/1s5j7UT<br /><br />Drejtuesit e kishës ortodokse dhe asaj katolike kanë uruar besimtarët për festën e Pashkëve. Njëzëri ata kanë apeluar për paqe dhe qetësi ndërsa arqipeshkvi Gjergj Frendo nuk kurseu edhe mesazhet për politikën, duke i ftuar palët të gjejnë zgjidhje përmes dialogut.<br />Në ditën e Pashkës, arqipeshkvi i dioqezës Tiranë-Durrës imzot Gjergj Frendo ka zgjedhur të përçojë një mesazh për të gjithë politikanët duke qenë se këtë vit Pashka po festohet në një vit zgjedhor.<br />Nisur nga situata politike nën shembullin e Jezu Krishtit, Frendo i ka bërë apel politikanëve për dialog.<br />Frendo: Në emrin e Krishtit dëshiroj tu komunikoj të gjithë politikanëve sot se rruga për zgjidhjen e krizës së tanishme qëndron vetëm në dialogun, në veçoritë e dialogut gjatë të cilit të dyja palët lypset jo vetëm të flasin por edhe të dëgjojnë me përgjegjësi dhe pjekuri të plotë për të finalizuar më shumë të mirën e kombit sesa të mirën e partisë.<br />Nga ana tjeter kryepiskopi Anastas Janullatus në urimin e tij të Pashkës apeloi qe të jetohet çdo ditë me ngazëllimin paskal.<br /><br />Për më shumë lexoni në: http://www.oranews.tv/vendi/apeli-i-gjergj-frendos-politika-te-dialogoje-per-zgjidhje/
