DURRES-Tonelatat e kanabisit të kaluara përmes Portit të Durrësit drejt Italisë, presin 'kokat? e para.<br /><br />Prokuroria për Krime të Rënda ka urdhëruar arrestimin e një numri të lartë personash, ndër të cilët 10 punonjës policie në Portin e Durrësit, përfshirë edhe shefin e stacionit policor, si edhe 8 doganierë të Qafë-Thanës, Durrësit e Tiranës, të dyshuar se kanë siguruar kushtet për kalimin e dy ngarkesave të ndryshme, me peshë mbi 10 ton kanabis sativa nga Shqipëria në Itali.<br /> <br />Pas arrestimit të 4 policëve të Qafe Thanës para 1 muaji, numri i të arrestuarve arrin kështu në 22 zyrtarë të cilët vepronin si pjesë e një grupi kriminal që lejonin trafikun e kanabisit me kamion drejt Italisë.<br />Të arrestuarit sipas Prokurorisë së Krimeve të Rënda janë përgjegjës për 10.2 ton canabis të trafikuar në Itali mes muajit shkurt dhe mars, sasi droge të zbuluara nga policia italiane e cila ka kërkuar menjëherë hetime nga pala shqiptare për mënyrën se si kjo sasi rekord kishte mundur të ngarkohej nëpër tragete.<br />Në pranga shefi i stacionit policor i Portit të Durresit<br />Mes të prangosurve janë dhe agjentë të antidrogës në Portin e durrësit si dhe shefi i stacionit policorë në Durrës Julian Doraci.
