DURRES-Një foshnje 15-muajshe ka ndërruar jetë pas probleme shëndetësore.<br /> <br />Foshnja pas komplikacioneve u nis nga prindërit për ndihmë mjekësore, por në spital ka mbërritur pa shenja jete.<br /> <br />Sipas të dhënave të para, foshnja kishte qenë para tre ditësh në spital për mjekim për shkak të virozave së stinës, ndërsa është sekuestruar receta e ilaçeve që i është dhënë nga mjekët.<br /> <br />Policia e qytetit bregdetar ka nisur hetimet për vdekjen e foshnjes së seksit femër me inicialet N.A. ndërkohë që priten rezultatet e autopsisë për shkaqet.<br /><br />Babai: Nëse do ishte shtruar do ishte gjallë<br />Babai i foshnjes që ndërroi jetë, Kujdes Aga ka akuzuar mjekët për vdekjen, pasi sipas tij nëse do të ishte shtruar në spital do të ishte gjallë sot.<br /> <br />Ai shprehet se pas vizitës para dy ditësh, mjekja i ka thënë që mjekimin duhet ta vazhdojë në shtëpi.<br /> <br />"Ajo ishte paqejf dhe vetëm qante, e prura në urgjencë. E kam kuruar vetëm me ilaçet që më dha doktoresha. Pas vizitës doktoresha më tha që dërgoje në shtëpi, unë me qejf nuk e kisha, pasi po të ishte shtruar mbrëmë, vajza sot do të ishte gjallë. Këtë do ta ndjek nga ana ligjore" u shpreh babai.
