Kodi zgjedhor në nenin 65 të tij saktëson se koalicionet zgjedhore mund të regjistrohen në Komisionin Qendror të Zgjedhjeve jo më vonë se 60 ditë nga data e mbajtjes së zgjedhjeve.<br /> <br />Nga kjo përllogaritje rezulton se 60 ditë para mbajtjes së zgjedhjeve të 18 qershorit, është pikërisht data 19 prill e kjo është sanksionuar edhe në një vendim të KQZ në referencë të kodit zgjedhor, pikërisht këtij neni.<br /> <br />Në këto kushte koalicionet zgjedhore për këtë datë zgjedhjesh të dekretuar nga presidenti Nishani kanë afat deri në orën 24 të datës 19 prill për regjistruar në komisionin qendror të zgjedhjeve.<br /> <br />Por ndërsa koalicioni i majtë, pritet të vendosë në orët në vijim për përbërjen e partive pjesëmarrëse në të, e djathta ka tejkaluar edhe afatet ligjore për regjistrimin e partive duke refuzuar regjistrimin edhe në afatin limit të 10 prillit për këtë proces elektoral.<br /> <br />Ndërkaq në përputhje me kodin zgjedhor në KQZ si parti pjesëmarrëse në zgjedhjet e 18 qershorit janë regjistruar tashmë 45 parti politike ndërsa 28 të opozitës në bllok përmes një shkrese drejtuar KQZ kanë konfirmuar se nuk do të bëhen pjesë e këtij procesi pa siguruar qeverinë teknike.<br /> <br />Ajo që mbetet për tu parë deri në orët e vona të 19 prillit në orën 24, është firmosja e marrëveshjes së koalicionit PS-LSI ?PDIU.
