Dëshmitë e të afërmve të familjes së Artan Cukut, edhe pse priteshin me interes për hetimet, nuk kanë qenë ndihmëse për policinë.<br /><br />Prestarët e familjes dhe të afërm të ish-oficerit të lartë të Policisë kanë treguar para grupit hetimor gjithçka dinin për aktivitetin e tij dhe pistat mbi te cilat dyshojnë.<br /><br />Ata kanë deklaruar se i ndjeri kishte mbyllur problemet me familjen Agim Dakes që u vra ne zyrën e tij në vitin 2005 dhe se nuk besonin që krimi të jetë pasojë e gjakmarrjes. <br /><br />Po ashtu, të afërmit janë shprehur se ish ?drejtori i policisë së Vlorës nuk ishte ankuar ndonjëherë për probleme që lidheshin me funksionet e larta qe kishte mbajtur për shumë vite në polici.<br /><br />Ata kanë kërkuar nga prokuroria dhe policia te zbardhin ngjarjen dhe te kapen autoret.<br /><br />Policia dhe prokuroria vijojnë hetimet për vrasje për shkak të detyrës, pa përjashtuar edhe gjakmarrjen për ngjarjen e ndodhur ne vitin 2005.<br /><br />Dy vëllezërit e Agim Dakës ishin mes të shoqëruarve në polici, por u lanë të lirë pasi paraqitën alibi që në momentin e krimit kishin qenë në Shkodër.<br /><br />Policia publikoi disa pamje të atentatorit duke u larguar nga vendi i krimit dhe ka venë një shpërblim prej 100 milionë lekesh të vjetër për ata që japin informacion të saktë për identitetin dhe vendndodhjen e tij. /Tv Klan
