Një ditë pasi paralajmëroi përshkallëzim të aksionit opozitar deri në bllokimin e rrugëve në mbarë vendin, Lulzim Basha thotë se kryeministrit Rama i kanë mbetur dy rrugë.<br /><br /> ?Dy janë rrugët përmes dialogut ose ndryshe populli do marrë fatet e veta në dorë?<br /><br />Kundërshtarit të tij politik dhe aktorëve të angazhuar për gjetjen e një zgjidhje u tha se dialogu do të bazohet vetëm mbi kërkesën për qeveri teknike. Dhe menjëherë pas formimit të saj, premton se është i gatshëm të votojë Vettingun.<br /><br />?S?ka nevoje të shtymë Vetingun pas zgjedhjeve por menjëherë pas paktit kombëtar. Vetingu s?ka pse pret zgjedhjet por menjëherë pas paktit kombëtar për zgjedhje të lira sipas 22 korrikut.?<br /><br />Ofertës së dy aleatëve të koalicionit qeverisës për të marrë pjesë në procesin e zgjedhjes se presidentit iu përgjigj me një propozim të artikuluar më parë edhe nga aktorë të tjerë politikë.<br /><br /> ?Oferta ime është kjo të zgjedhim president nga populli..... Meqë po kërkoni përfshirjen tonë një ofertë të ndryshojmë Kushtetutën ta zgjedhë populli shqiptar.... ?<br /><br />Droga, tha Basha vazhdon të jetë sfida kryesore, duke shprehur të njëjtin shqetësim të bërë publik nga kryeprokurori Llalla rreth një orë para fjalës se tij në çadrën e protestës.<br /><br /> ?Droga është projekti politik i Ramës. Ja tha edhe Prokurori i Përgjithshëm se i prishin punë se e tregtojnë drogën se droga shqiptare ka një pronar Edi Ramën?<br /><br />Basha tha se opozita ka mbështetjen e partnerëve ndërkombëtarë për kauzën e zgjedhjeve të lira e të ndershme, ndërsa akuzoi disa media që sipas tij, nën ndikimin e kryeministrit, kanë tjetërsuar informacionet në dëm të opozitës.
