Falja e taksave të papaguara për makinat do të hyjë në fuqi duke nisur nga 8 maji. Ligji për faljen e detyrimeve fiskale dhe shuarjen e detyrimeve për mjetet që cregjistrohen, i miratuar nga Kuvendi është publikuar të premten në fletoren zyrtare, për të hyrë në fuqi pas 15 ditësh.<br /> <br />Ligji i ri parashikon faljen e plotë të taksave dhe të gjobave për makinat që prej vitit 2011 të cilat cregjistrohen, duke dalë nga qarkullimi.<br /> <br />Ndërkohë që kush dëshiron ta mbajë, do të jetë i detyruar të paguajë taksat e prapambetura, por pa gjobat dhe penalitetet. Kjo shuarje detyrimesh pritet të prekë rreth 140 mijë mjete.<br /> <br />Ligji parashikon gjithashtu fshirjen e detyrimet tatimore e doganore përfshirë principalin, kamatëvonesën dhe gjobën, për periudhat përpara Dhjetor 2010, për të gjithë individët, personat fizikë dhe juridikë që kanë detyrime të papaguara.<br /> <br />Po ashtu fshihen gjobat dhe kamatëvonesat për periudhën 2011-2014 me kushtin që të shlyhet i plotë tatimi, taksa, tarifa, apo kontributet e papaguara.
