Niveli i sigurisë në paraburgimin e Vlorës do të vazhdojë të qëndrojë në nivele të larta, pas zjarrit ne këtë institucion.<br /><br />Këtë të shtunë situata paraqitej më e qetë por me prani të shtuar policie. Mësohet se gjatë natës kanë qëndruar në paraburgim forcat e ndërhyrjes së shpejte të cilat pasi vendosën rregullin janë larguar. Konfirmohet që shkak i përfshirjes nga zjarri ka qenë djegia e dyshekëve nga disa te paraburgosur, të cilët protestuan kundër izolimit të disa prej të burgosurve të tjerë.<br /><br />Mësohet se gjithçka ka nisur pas një sherri, ku janë përfshirë disa të paraburgosur.<br /><br />Disa prej tyre u vendos që të mbahen në izolim. Kjo ka sjellë dhe revoltën e disa të burgosurve, të cilët i kanë vënë flakën dyshekëve. Kati i dytë dhe i tretë i godinës u përfshinë nga flakët. Por, ndërhyrja e shpejte e policisë dhe zjarrfikësve normalizoi situatën.<br /><br />Tv Klan
