Lulzim Basha hodhi poshtë akuzat e kryeministrit Rama se protesta e së hënës do të jetë e dhunshme dhe se përmes saj po synohet rikthimi i ngjarjeve të vitit 1997.<br /><br /> ?Një ore bllokim i trafikut kombëtar është sakrificë e vogël dhe e madhe për Shqipërinë. Nesër një orë të gjithë bashkë paqësorë bashkohemi të bllokojmë të keqen e t?i hapim rrugë të mirës. 11-12 për t?i thënë ndal drogës pro zgjedhjeve të lira e të ndershme?, u shpreh Basha.<br /><br />Kundërshtarin e tij politik e paralajmëroi se as në Kavajë e as në 18 qershor nuk ka për të patur zgjedhje pa opozitën.<br /><br /> ?Harroje se do të ketë zgjedhje pa opozitën. Votim pa opozitën nuk mund të ketë as në Kavajë, as në Shqipëri. Nuk do ketë e s?do pranohen votime moniste por do ketë vetëm zgjedhje të lira e të ndershme, vetëm përmes një qeverie teknike?, deklaroi ai.<br /><br />Si dëshmi të kapjes së drejtësisë kryeministrit Rama i solli refuzimin për herë të dytë të tre kandidaturave për në Gjykatën e Strasburgut.<br /><br /> ?U refuzuan sepse Vetting-u i Ramës çoi në Gjykatë kunatin e Fatmir Xhafës, sekretaren e përgjithshme të Kumbaros dhe eksperten e Sorosit për të kapur drejtësinë për hesap të Ramës. Ky është lajm i mirë ndaj ju themi ky reformën në drejtësi e do për vete?, shtoi Basha.<br /><br />Basha sulmoi sërish portalin Eureporter që sipas tij është financuar nga lobistë të kryeministrit Rama për të përcjellë idenë se edhe BE është e shqetësuar për skenarët e dhunës në Shqipëri.<br /><br /> ?Ka një bankë të çuditshme në mes. Abi Bank ka për aksionerë dy investitorë në Rusi të viteve 90 që kanë regjistruar fondet në Ishujt Keimend, parajsat e pastrimit të parave. Kush është në bordin e kësaj banke është bashkëshortja e kryeministrit shqiptar edhe një farë Race Shleuer, ish-ministër federal i Gjermanisë dhe sot ndër lobistët kryesorë të Ramës në Gjermani.<br /><br />Median e ftoi të mos veprojë me dy standarde kur iu referua një skafi në grykëderdhjen e Ishmit që sipas tij i përket Habilajve, që siç tha kreu i opozitës kanë mbështetjen e qeverisë në trafikun e drogës.<br /><br />?S?guxojnë ta prekin me dorë se Habilajt janë pronarët e vërtetë të kryeministrit, ministrit të brendshëm dhe policisë?, tha ai.<br /><br />Ashtu si një ditë më parë Basha paralajmëroi dështimin e negociatave, ndërsa i kujtoi kryeministrit kushtin e panegociueshëm për qeverinë teknike dhe mandatin e saj./ TV KLAN
