550 vite më parë, sipas legjendës, figura e Zojës së Këshillit të Mirë u largua nga kisha rrëzë Kalasë Rozafa, për t'u vendosur në Gjenacano të Italisë. <br /><br />E njohur edhe si Pajtorja e Shqiptarëve, ajo zbulohet për herë të parë e plotë, në përmasa reale, nga sa jemi mësuar ta shohim. <br /><br />Një grup studiuesish nga Shqipëria dhe Italia morën pjesë në hulumtimin shkencor. Edlira Çaushi, restauratore dhe specialiste monumentesh thotë se ishte një surprizë.<br /><br />Teknikat e përdorua janë mikse. Kjo tregon një mënyrë krejtësisht tjetër të punimit të afreskut.<br /><br />Legjenda thotë se më 25 Prill, 1467 figura e Zojës që gjendej në afresk në një mur të kishës rrëzë Kalasë Rozafa të Shkodrës u shkoq prej vendit dhe e ndjekur prej dy katolikëve shkodranë, të quajtur De Giorgio e De Sklavis, shkoi e zuri vend në Kishën e Genazzanos në Itali. <br /><br />Historia e e Zojës së Këshillit të Mirë, apo e Zojës së Shkodrës është vetë historia e katolicizmit ndër shqiptarë, katolicizëm i cili, me vdekjen e Gjergj Kastriotit Skënderbeut, më 1468, nisi udhën e vet të kryqit. <br /><br />"Zoja Kshillit t'Mirë" u shpall "Pajtore e Regjineshë e Shqipnisë" prej Koncilit III Shqiptar, në vitin 1895. Për herë të parë, imazhi i plotë të saj erdhi përmes Konferencës Shkencore Ipeshkvnore, që u mbajt me rastin e 550 vjetorit të shtegtimit të saj në Gjenacano të Italisë.<br /><br />Tv Klan
