Duke iu përgjigjur deklaratave të Kryeministrit Edi Rama se opozita do të protestojë dhunshëm paraditen e së hënës, Lulzim Basha ftoi shqiptarët t'i bashkohen thirrjes së opozitës për të protestuar paqësisht.<br /><br />Basha tha se është i paprecedentë keqpërdorimi politik i policisë nga ana e Kryeministrit, duke saktësuar se për tubime paqësore nuk ka nevojë për leje në polici.<br /><br />Edhe gjatë paradites, nga çadra e opozitës Basha e paralajmëroi kundërshtarin e tij politik se as në Kavajë e as në 18 Qershor nuk ka për të patur zgjedhje pa opozitën.<br /><br />Basha sulmoi sërish portalin Eureporter, që sipas tij është financuar nga lobistë të Kryeministrit Rama për të përcjellë idenë se edhe BE është e shqetësuar për skenarët e dhunës në Shqipëri.<br /><br />Ashtu si një ditë më parë, Basha paralajmëroi dështimin e negociatave, ndërsa i kujtoi Kryeministrit kushtin e panegociueshëm për qeverinë teknike dhe mandatin e saj.<br /><br />Tv Klan
