Nisin negociatat për zgjidhjen e ngërçit politik. Në orën 15:00 në Kryesinë e Kuvendit kanë mbërritur zyrtari i PPE, David McAllister dhe eurodeputeti Knut Fleckenstein.<br /> <br />Në takim me David McAllister dhe Knut Fleckenstein ndodhen kryeministri Edi Rama dhe kryetari i Kuvendit.<br /> <br />Rama shoqërohet në takim nga kryetari i grupit të PS, Ruçi dhe n/kryetari i grupit, Taulant Balla.<br /> <br />Nga kryeministria Rama e ka bërë në këmbë rrugën për në Kryesi duke kaluar pranë çadrës së ngritur nga PD.<br /> <br />Në takimin me ndërkombëtarët, Rama dhe Meta po diskutojnë mundësitë për daljen nga kriza politike që ndodhet vendi, që pas futjes së PD në çadër.<br /> <br />Pas takimit me Ramën dhe Metën, David McAllister dhe Knut Fleckenstein do të takohen me Bashën, i cili ka kusht qeverinë teknike për të hyrë në zgjedhje.<br /> <br />Pritshmëritë janë të mëdha nga takimi i sotëm, pasi është shansi i fundit për të bindur PD pas thirrjeve të shumta nga SHBA dhe BE.
