Subscribe në Ora News këtu http://bit.ly/1s5j7UT<br /><br />Brenda këtij viti do të kemi në zbatim ligjin për taksimin e pronës dhe ajo do të shmangë evazionin fiskal me të cilin përballet sot prona. Ky fakt është bërë i ditur nga Drejtori i Drejtorisë së Financave Vendore, Fran Brahimi, gjatë prezantimit të raportit për analizën e burimeve të financimit të qeverisjes vendore. Ndërsa rezulton se taksa mbi pasurinë e paluajtshme është kontribuesi kryesor në të ardhurat e qeverisjes vendore. Një vit nga zbatimi i reformës territoriale, rezulton se Bashkitë kanë humbur 1.5 mld lekë nga thjeshtimi i taksimit mbi fitimin për biznesin.<br />Brenda këtij viti do të përfundojë ligji për taksën e pronës, i cili do të disiplinojë taksimin mbi pasurinë e paluajtëshme dhe shmangë evazionin fiskal që po kryehet deri tani.<br />Kështu u shpreh Drejtori i Drejtorisë së Financave Vendore, Fran Brahimi, gjatë analizës së burimeve të financimit për 61 bashkitë vjen një vit pas zbatimit të reformës territoriale.<br />Fran Brahimi: Ministria e Financave në kuadër të rritjes së burimeve finaciare të pushtetit vendor brenda këtij viti është parashikuar të ketë edhe një ligj të posaçëm për takësn e pronës, një ligj që presupozon që do të vendosë në një disiplinë të rregullt pronën dhe taksimin e pronës. Synimi është që të shmangen evazionet fiskale që janë deri më tani, të rriten të ardhurat për pushtetin vendor me qëllim që të rriten edhe shërbimet dhe investimet publike.<br />Rreth 36.6 mld lekë apo 269 mln euro u kushtoi tatimpaguesve qeverisja vendore gjatë 2016, nga të cilat 25.6 mld lekë shkojnë për pagat e personelit të bashkive, 10 mld lekë për investime dhe 860 mln lekë për subvencione dhe transferta.<br /><br />Për më shumë lexoni në: http://www.oranews.tv/ekonomi/ne-site-financat-e-bashkive-taksa-e-prones-kontribuesi-kryesor/
