Një breshëri plumbash kallashnikovi la të vdekur në vend ish - Shefin e Krimit Ekonomik në Policinë e Tiranës, Ervin Dalipaj 39 - vjeç, i shpallur në kërkim prej 15 muajsh për vrasjen e Gazmend Çollakut.<br /><br />Bashkë me të mbeti i vrarë edhe miku i tij, Xhino Dautaj. <br /><br />Atentati ndodhi në Sukth, në rrugën dytësore ngjitur me autostradën.<br /><br />Dy viktimat po udhëtonin me një makine tip Audi, kur një breshëri automatiku ka dalë nga një makinë tjetër që po i ndiqte.<br /><br />Burime nga grupi hetimor bënë të ditur për Televizionin Klan detaje të dinamikës së ngjarjes.<br /><br />Mësohet se Dalipaj dhe Dautaj sapo kishin dalë nga një servis në rrugën dytësore në Sukth dhe po ecnin në drejtim të Sukthit për arritur hyrjen e autostradës, me qëllim për të udhëtuar drejt Tiranës, siç tregohet në këtë hartë grafike.<br /><br />Mjeti drejtohej nga Xhino Dautaj, ndërsa Dalipaj ndodhej në ndenjësen e pasagjerit, në vendin e parë.<br /><br />Pasi u qëllua nga një person, që ndodhej në një makinë ngjyrë të zezë, e cila është parë nga disa dëshmitarë, Audi A6, me të cilën udhëtonin dy viktimat doli nga rruga dhe pas afro 20 metrash, përfundoi në autostradë.<br /><br />Ndërsa makina e vrasësve ka vazhduar rrugën drejtë me shpejtësi, në drejtim të Shijakut.<br /><br />Dalipaj e Dautaj ishin goditur nga disa plumba dhe kanë gjetur vdekjen e menjëherëshme.<br /><br />Në vendin e ngjarjes u gjetën shumë gëzhoja e predha kallashnikovi.<br /><br />Policia po heton në dy pista kryesore.<br /><br />E para lidhet me rrëmbimin dhe vrasjen e Çollakut në Janar të vitit të kaluar.<br /><br />Dalipaj dyshohet se së bashku me Denis Shtrazën, që gjendet në burg, e kanë marrë në makinë Çollakun dhe pasi e kanë lidhur këmbë e duar, e kanë ekzekutuar, për motive ende të paqarta.<br /><br />39 ? vjeçari, në një intervistë televizive gjatë kohës që ishte në arrati, i pati mohuar akuzat. Por ai nuk u dorëzua asnjëherë përpara drejtësisë.<br /><br />Por një pistë tjetër që po heton policia në lidhje me ngjarjen është edhe ajo e hakmarrjes së mundshme ndaj Xhino Dautajt.<br /><br />I riu mësohet se ka qenë më parë i dënuar me 24 vjet burg nga Gjykata e Shkallës së parë në Vlorë për vrasjen e Fatjon Banit, por është shpallur i pafajshëm nga Gjykata e Apelit të këtij rrethi.<br /><br />Hetimeve të policisë pritet t?u vijnë në ndihmë kamerat e sigurisë së disa biznesve. Zona ku ndodhi krimi është e mbipopulluar nga biznese të ndryshme.<br /><br /> Policia ka shoqëruar deri tani mbi 20 persona, dëshmitarë në vendin e ngjarjes dhe të dyshuar.<br /><br />Tv Klan
