Ervin Dalipaj dhe Juxhin Dautaj u gjeten të pajetë me dhjetëra plumba në trup në makinën tip Audi S8.<br /><br />Tv Klan arriti të sigurojë një foto të bërë menjëherë pas atentatit, por nuk do ta bëjë publike atë të plotë për shkak se skena është e rëndë.<br /><br />Dautaj ishte në timon dhe u gjet i mbështetur në sedilje, me kokën e anuar në të djathtë. Ndërsa ish ?shefi i Krimit Ekonomik në policinë e Tiranës, i përmbysur në drejtim të shoferit.<br /><br />Pamjet tregojnë se ata kanë marrë goditje të shumta. Shenja të plumbave ka në dyer e në kroskotin e makinës, që pas breshërive doli nga rruga dytësore pranë Sukthit dhe përfundoi në autostradë. <br /><br />Burime nga grupi hetimor bënë me dije për Tv Klan se dy makina dyshohet të kenë marrë pjesë në planin për ekzekutimit të dy të rinjve.<br /><br />Një BMV X5 i ka ndjekur sapo kanë dalë nga një servis, rreth 100 metër larg vendit te ngjarjes. Ndërsa një makine tjetër dyshohet se i ka prerë rrugën Audit S 8, një prej makinave më të shpejta të viteve të fundit.<br /><br />Një person nga BMV ?ja që i është afruar në parakalim në drejtimin e lëvizjes Tirane ? Shijak, dhe ka qëlluar një karikator kallashnikovi.<br /><br />Policia gjeti 32 gëzhoja në vendin e ngjarjes.<br /><br />Pas daljes se Audit nga rruga, BMV-ja me ngjyre te zeze, sipas disa dëshmitareve, ka vazhduar rrugën me shpejtësi në drejtim të Shijakut, ndërsa makina tjetër në drejtim të Tiranës, në rrugën dytësore.<br /><br />Pak momente përpara atentatit Dalipaj dhe Dauti, sapo kishin dalë nga një servis makinash rreth 100 metra nga vendi i ngjarjes.<br /><br />Bashkë me ta kanë qene edhe dy vajza, me një Smart. Ato janë identifikuar dhe janë marrë në pyetje nga policia, së bashku me punonjësit e servisit. Kanë treguar se i njihnin viktimat dhe se kishin kërkuar ndihmën e tyre për të rregulluar makinën dhe për ta kaluar në kolaudim.<br /><br />Ndërsa punonjësit treguan vetëm se kishin dëgjuar të shtëna armësh pak pas largimit të dy të rinjve.<br /><br />Policia gjeti në makinën e viktimave një pistoletë dhe rreth 7 mijë euro, 5 mijë në portofolin e ish ?oficerit të policisë dhe 2 mijë në atë të Dautajt.<br /><br />Hetuesit kanë sekuestruar materialet filmike të 7 bizneseve të zonës dhe po kërkojnë të tjera ne përpjekje për të identifikuar autorët.<br /><br />Pistat e hetimit mbeten dy: Dyshohet se shënjestër e atentatit të ketë qenë Juxhin Dautaj. Kjo për faktin se shumica plumbave janë krahun shoferit që ishte pikërisht Dautaj. Ai ishte dënuar për vrasjen e Fation Banit në Vlorë me 24 vjet burg, por ishte shpallur i pafajshëm nga gjykata e Apelit. Dyshohet gjithashtu të jetë përfshirë edhe në një vrasje në Shijak një vit më parë.<br /><br />Pista tjetër është ajo e ekzekutimit të Ervin Dalipajt për llogari të vrasjes së Gazmend Çollakut, 15 muaj më parë. Ai ishte shpallur në kërkim, ndërsa miku i tij Denis Shtraza është arrestuar dhe po gjykohet. Për shkak të dyshimeve për lidhje mes dy ngjarjeve, hetimi edhe për vrasjen e dyfishtë është marrë përsipër nga Prokuroria e Krimeve të Rënda.<br /><br />Tv Klan
