Megjithë deklaratat e kryebashkiakut të Fierit, Armando Subashi se impianti i mbetjeve nuk do të ndërtohet pa dakordësinë e banorëve në fshatin Verri këta të fundit vazhdojnë protestën. Këtë herë ata marshuan në këmbë nga fshati i tyre deri në qendër të qytetit të Fierit.<br /><br />Banorët nuk besojnë në deklaratën e kryetarit të bashkisë, ndaj kërkojnë vendim zyrtar që impianti nuk do të ndërtohet në afërsi të fshatit Verri.<br /><br />Impianti i mbetjeve në Fier është refuzuar deri tani nga tre fshatra ku bashkia vendosi ta ndërtonte.<br /><br />Nga ana tjetër bashkia ka shpallur emergjencë mjedisore në fushën aktuale të mbetjeve ku nuk ka më kapacitete grumbullimi apo përpunimi.<br /><br />Tv Klan
