Premiera ?Zoti i masakrës? e ngjitur gjatë muajit mars në Teatrin Eksperimental ?Spahivogli? do të nis një turne treditor në Elbasan dhe më pas në rrethe të tjera të vendit.<br /><br />Drejtori i Teatrit Eksperimental Kiço Londo deklaron se institucioni, pavarësisht premierave intensive që jep gjatë gjithë javës në Tiranë, do të vijojë edhe një program paralel në rrethe të tjera të vendit.<br /><br />Ndërkohë gjatë dy javëve të fundit në Teatrin Eksperimental vijojnë të shfaqen me sukses premierat më të reja ?Tramavaji dëshirë? dhe ?Ferma e kafshëve?.<br /><br />Londo pohon se godina e teatrit eksperimental është në proces restaurimi dhe është bërë më funksionale për publikun. Por sipas tij, suksesi i shfaqjeve sjell nevojën për më shumë vende në sallën e teatrit.<br /><br />Komedia ?Zoti i masakrës? do të shfaqet tri ditë rresht për publikun në teatrin ?Skampa? të Elbasanit në datat 27, 28 dhe 29 prill. Kjo komedi mbështetet mbi veprën e Jasmina Rezës dhe është përkthyer në shqip nga Nasi Lera.
