Në tryezën e partive parlamentare të thirrur nga kryeparlamentari Meta pasditen e të mërkurvs u ulën vetëm partitë e maxhorancës dhe Ben Blushi i Libras, ndërsa opozita e refuzoi atë, sa kohë që sipas saj nuk ka një axhendë konkrete mbi të cilën palët do të diskutojnë.<br /><br />Ilir Meta pas takimit tha se mbetet i bindur për të pritur opozitën, si për t'u bërë pjesë e zgjedhjeve parlamentare, ashtu dhe zgjedhjes së presidentit.<br /><br />Taulant Balla, i cili së bashku me Gramoz Ruçin përfaqësuan PS në këtë takim në mungesë të Edi Ramës, i cili ishte në një takim elektoral në Korçë, tha se opozita vazhdon të refuzojë çdo ofertë të maxhorancës sepse nuk do vetting -un.<br /><br />Në tryezë është diskutuar dhe nevoja e ndryshimeve në Kodin Zgjedhor, ku përveç rekomandimeve të bëra nga OSBE/ODHIR, është propozuar dhe ndryshimi i afateve për regjistrimin e partive dhe koalicioneve në zgjedhje, nga 60 ditë që janë në Kodin aktual, të bëhen në 30 ditë përpara mbajtjes së zgjedhjeve.<br /><br />Ilir Meta tha se këto ndryshime janë të nevojshëm të bëhen sa më shpejt, por nuk u shpreh qartë nëse maxhoranca do t'i votojë ato në kushtet kur Lulzim Basha është i bindur për të mos u rikthyer në parlament.<br /><br />Ndërsa Taulant Balla thotë se ndryshimet mund të bëhen vetëm nëse i pranon dhe arbitri i gjithëpranuar OSBE/ODHIR.<br /><br />PDIU dhe Libra u shprehën dakort për përmirësimet në Kodin Zgjedhor që garantojnë që votat e tyre do të numërohen ndershmërisht.<br /><br />Tv Klan
