Kur kanë mbetur më pak se dy muaj nga zgjedhjet e 18 qershorit Prokuroria e Përgjithshme i kërkon Komisionit Qendror të Zgjedhjeve ndërprerjen e mandatit të deputetit Vladimir Kosta.<br /><br />Sipas organit qendror të akuzës ligjvënësi socialist nuk ka deklaruar një dënim për armëmbajtje pa leje te vitit 2000. Gjykata e Tiranës për këtë akuzë e dënuar me 10 mije lekë të reja gjobe Vladimir Kostën.<br /><br />Nga hetimi i bërë, deputeti nuk e ka deklaruar këtë dënim në formularin e dekriminalizimit dhe për prokurorinë, prandaj preket nga ligji.<br /><br />Pritet që kjo kërkesë e prokurorisë të shqyrtohet nga komisioni qëndror i zgjedhjeve në mbledhjet e ditëve në vijim.<br /><br />Prokuroria e Përgjithshme ka nën hetim edhe disa deputetë të tjerë të Parlamentit shqiptar, të cilët dyshohet se nuk kanë deklarura denime gjyqsore ne formularin e dekriminalizimit. Gjithashtu po verifikohen te dhënat edhe për disa kryetare bashkish.<br /><br />Tv Klan
