Kryetari i partisë LIBRA, Ben Blushi, bën një ftesë surprizë për votuesit e Partisë Demokratike, që në zgjedhjet e 18 qershorit të votojnë partinë e tij. <br /><br />I ftuar te "5 pyetjet nga Babaramo" në Report Tv, Blushi tha se ai ka bërë opozitë të vërtetë në Kuvend në krahasim me deputetët e opozitës, madje edhe më të fortë se vetë kryetari i PD, Lulzim Basha. <br /><br />"600 mijë demokratë mbeten pa votuar"<br />"Në kushtet kur PD s'do hynte në zgjedhje, unë do i ftoja të gjithë ata që PD nuk iu jep mundësi për të votuar, të votonin LIBRA-n. Ata mijëra demokratë të na votojnë ne. Ne jemi një opozitë reale. <br /><br />Unë nuk u kam bërë asnjë dëm demokratëve, madje në këto 4 vite kam bërë opozitë në Kuvend më shumë se deputetët e tyre, më shumë se kryetari i tyre. <br /><br />Ata 500-600 mijë demokratë, që kanë votuar djathtas, do të mbeten pa votuar", u shpreh Blushi.
