Kanë mbërritur në portin e Durrësit nga Bari 120 artistë pjesëmarrës në Bienalen e Artistëve të Rinj të Mesdheut, që do të zhvillohet në Shqipëri nga data 4 maj deri në 9 maj.<br /><br />Ndër vendet ku do të zhvillohet ky aktivitet është edhe Bunk'Art2 ku do të ketë performanca të ndryshme të artistëve. <br /><br />Artistët u nisën një ditë më parë nga porti i Barit në drejtim të Durrësit, ndërsa kanë zbritur nga trageti sot në mëngjes. <br /><br />Pjesëmarrës në Bienalen e Artistëve të Rinj të Mesdheut janë 23 shtete, përfshirë edhe Shqipërinë si vend organizator, ndërsa janë 230 artistë në total të cilët do të marrin pjesë.<br /><br />Kjo Bienale zhvillohet për herë të parë në vendin tonë në dy qytete Tiranë dhe Durrës.
