Kryeministri Edi Rama doli përpara gazetarëve dhe sqaroi me detaje të gjithë paketën e propozimeve që i bëri Lulzim Bashës në tryezën e thirrur nga Presidenti.<br /><br />Pjesë e saj, siç pranoi ishte dhe ofrimi i postit të zv/kryeministri dhe disa zv/ministrash, të cilët në bashkëpunim me ekspertët ndërkombëtarë, të mund të monitoronin të gjithë procesin zgjedhor, duke nisur nga policia, arsimi, burgjet dhe çdo dikaster tjetër që mund t'i ofronte asaj garancinë e nevojshme për mbarëvatjen e zgjedhjeve.<br /><br />I akuzuar nga Lulzim Basha se në tryezë nuk i rishtroi si pjesë të paketës se kompromisit 4 postet ministrore, siç u propozua nga 2 negociatorët McAllister dhe Fleckenstein, Rama ka këtë përgjigje.<br /><br />Kryeministri foli shumë gjatë për strategjitë që përgatisin partitë politike në një fushatë zgjedhore dhe thotë se kishte arritur të nuhaste deri diku strategjinë e kundërshtarit, por ajo që nuk kishte parashikuar është ajo që ai e cilëson si bllofi i Lulzim Bashës, pjesë e të cilës për Ramën ishte dhe miklimi i Ilir Metës për të dalë nga koalicioni i majtë.<br /><br />Vetë e konsideron politikën si lojë shahu ndërsa thotë se Lulzim Basha po luan dam.<br /><br />Edi Rama duket i prerë kur pyetet çfarë do të bëjë PS në situatën aktuale politike, përfshirë edhe zgjedhjet e 7 Majit në Kavajë.<br /><br />Një detaj që ra në sy në pamjen e Kryeministrit ishte dhe ky laps i kuq të cilin e mbante në xhepin e xhaketës, simbolikën e të cilin nuk pranoi ta komentoi, por pa mohuar që ai të ishte një mesazh për Bashën.<br /><br />Tv Klan
