Shënohet sot 5 maji, Dita e Dëshmorëve të Atdheut.<br /><br />Ashtu si çdo vit tjetër, edhe sot u zhvillua ceremonia zyrtare e homazheve në Varrezat e Dëshmorëve të Kombit, në Tiranë.<br /><br />Zyrtarë të shtetit si Presidenti Bujar Nishani, kryetari i Kuvendit Ilir Meta, kryeministri Edi Rama, ministrja e Mbrojtjes Mimi Kodheli si dhe kryebashkiaku i Tiranës Erion Veliaj vendosën kurora me lule përpara memorialit ?Nënë Shqipëri?, në nderim të të rënëve në luftën antifashiste.<br /><br />Ndërkohë që edhe përfaqësues të lartë të opozitës me në krye Lulzim Bashën, pritet të kryejnë homazhe për nder të dëshmorëve.<br /><br />Dita e Dëshmorëve u vendos të jetë 5 Maji 1942, dita kur u vra nga fashistët, Qemal Stafa, një i ri komunist aktivist i luftës Nacional Çlirimtare.
