Subscribe në Ora News këtu http://bit.ly/1s5j7UT<br /><br />Pak orë pasi Kryeministri Rama bëri publik kërkesën që i ksihte bërë kandidatit të majtë për bashkinë e Kavajës, Basha foli nga çadra e protestës duke e quajtur fitoren e parë të republikës së re. Basha ftoi Ramën për dialog, por kushti i vetëm për të dalë nga ngërçi tha ai, është qeveria teknike.<br />?Republika e re sapo shënoi fitoren e saj të parë.?<br />Kështu e komentoi Lulzim Basha vendimin e Kryeministrit Edi Rama për të tërhequr kandidatin e PS-së në Kavajë. Para mbështetësve në çadrën e protestës, kryedemokrati tha se ky ishte paralajmërimi i parë që qytetarët i bënë Ramës, duke refuzuar zgjedhjet fasadë të diktuara nga krimi.<br />Basha: Ne e dimë, shqiptarët e dine, bota e di, dhe Edi Rama e njohu refuzimin tuaj masiv për të qenë pjesë e fasadës së diktuar nga krimi më 7 maj. Ky është paralajmërimi më i madh dhe kontributi i dytë historik që Kavaja jep për demokracinë dhe lirinë e Shqipërisë dhe shqiptarëve.<br />Basha ftoi Ramën në dialog për zgjidhje politike, por kushti i vetëm për të dalë nga kriza sipas tij, është qeveria teknike.<br />Basha: Rruga e vetme për tu bërë pjesë e zgjidhjes është ndarja me krimin dhe drogën, dy faktorët kryesorë për destabilizimin e Shqipërisë, dy kërcënimet kryesore për zgjedhje të lira dhe të ndershme. Rruga e vetme për tu bashkuar me shumicën dërrmuese të shqiptarëve që duan zgjedhje të lira dhe të ndershme, ndarjen me krimin dhe ndarjen me drogën, është qeveria teknike.<br /> <br />Për më shumë lexoni në: http://www.oranews.tv/vendi/basha-republika-e-re-shenoi-fitoren-e-pare/
