Fitore të Republikës së Re e quajti Lulzim Basha tërheqjen e kryeministrit nga zgjedhjet në Kavajë. Në axhendën e tij ishte parashikuar një takim me strukturat lokale në Kavajë, por dalja e kryeministrit e riktheu në çadër nga ku iu përgjigj edhe akuzave se opozita kishte një skenar destabilizimi.<br /><br />?Edi Rama kishte të drejtë ku, përveç frikës së refuzimit dhe përballjes me qytetarinë kavajase dhe me mbarë shqiptarët ditën e diel, shprehu edhe frikën e destabilizimit. Por Edi Rama e di, unë e di, partnerët tanë e dinë, kavajasit se bandat që po bëheshin gati të lanin hesapet me njëri-tjetrin në Kavajë i përkasin një dhe vetëm një krahu politik, rilindjes së inkriminuar dhe krimit të rilindur.?<br /><br />Duke iu përgjigjur kërkesës së kreut të qeverisë për dialog deri të dielën Basha tha se mbetet i hapur për dialog, por la të kuptohet se afatet e vendosura nga kryeministri nuk ndihmojnë në gjetjen e një zgjidhje.<br /><br />?Ftesa qëndron e hapur për zgjidhje me dialog, por ultimatumet për 18 qershorin e rënë politikisht, moralisht dhe ligjërisht, janë të papranueshme dhe ne i refuzojmë. 18 qershori ka rënë politikisht, moralisht dhe ligjërisht.?<br /><br />Basha i kërkoi kryeministrit të bëhet pjesë e zgjidhjes, në të kundërt e pret një tjetër alternativë<br /><br />?Ose përballuni me bashkimin dhe marshimin më të madh të qytetarëve javën e ardhshme në Bulevardin ?Dëshmorët e Kombit? dhe pas kësaj në çdo shesh e në çdo rrugë të çdo qyteti e të çdo fshati, ku vullneti i shqiptarëve për demokraci, nuk sprapset kurrë më.?<br /><br />Tv Klan
