TIRANE-Zvarritja e proceseve në gjykatat shqiptare nga 1 gushti do të sjellë penalizim për avokatët të cilët pa shkak shtyjnë seanca me kërkesa të pajustifikuara dhe në kundërshtim me ligjin.<br /><br />Kjo masë parashikohet në Kodin e Ri penal që do të aplikohet për pak muaj, ndërsa për mikrofonin e ReportTv avokatët shprehen se gjoba nuk do të zgjidhë problemin me shtyrjet e seancave. Sipas tyre përgjegjësi për këtë situatë ka gjykata, prokuroria dhe avokati pasi në shumicën e rasteve shprehen ata mbyllja e një dosje i siguron dhe pagesën e plotë nga klienti që mbrojnë.<br /><br />Zvarritja e gjyqeve, nga gushti 50 -100 mijë lek gjobë avokatëve<br />Nga 1 gusht 2017 të gjithë avokatët të cilët bëhen shkak për zvarritjen e proceseve gjyqësore në sistemin e drejtësisë do të penalizohen me gjobë 50 deri në 100 mijë lekë.<br />Kjo masë ndëshkimi është future për herë të parë në ndryshimet që pësoi kodi penal më 30 mars të këtij viti, ndërsa ky ligj hyri në fuqi me heshtjen e presidentit pasi nuk u dekretua prej tij.
