Oscor Omni Spectral Correlator 5000 është emri i pajisjes me të cilën u ndalua në Rinas greku Iraklis Dragunis, kjo që shihni në këto pamje.<br /><br />52 - vjeçari me profesion inxhinier, prej vitit 2012 ka herë në vendin tonë gjithsej 24 herë. Nuk sqarohet nëse në të gjithë herët ka hyrë me pajisjen e dyshuar përgjuese nga policia, por shumicën e rasteve ai ka ardhur për punë në vendin tonë.<br /><br />Dragunis është marrë në pyetje nga Prokuroria dhe mësohet të ketë deklaruar se pajisja nuk përgjon, por vetëm detekton nëse në një ambient ka pajisje që përgjojnë.<br /><br />52 - vjeçari kishte hyrë në vendin tonë në datën 5 Maj për të punuar për llogari të një kompanie celulare. Ai pretendon se me pajisjen do të kryente matjen e sinjaleve të antenave të kompanisë dhe për ta vërtetuar këtë do t'i verë në dispozicion prokurorisë kontratën mes palëve.<br /><br />Prokuroria i ka bllokuar pasaportën deri në përfundimin e ekspertizës së pajisjes nga një specialist shqiptar, ai do qëndrojë në vendin tonë.<br /><br />Nga veprimet e para hetimore, kjo pajisje është identike me atë të izraelitit Yoram Frig, i cili u ndalua në Rinas 40 ditë më parë. Pas kryerjes së ekspertizës rezultoi se pajisja nuk ishte përgjuese dhe hetimet ndaj tij u pushuan.<br /><br />Tv Klan
