Një person u vra me thikë pas një përleshjeje që ndodhi mesditën e kësaj të mërkure në fshatin Çekrezë të Kamzës, pas një konflikti për motive të dobëta. Altin Kodra, 27 - vjeç, banues në këtë fshat, mori disa plagë në bark, pasi u qëllua me thikë nga Vladimir Luli, 28 - vjeç.<br /><br />Po kështu edhe Luli, mbeti po ashtu i plagosur pasi mori disa goditje me sende të forta në trup. Të dy personat u dërguan në ambientet e Spitalit të Traumës në Tiranë, për ndihmë mjekësore, por Kodra nuk mundi të mbijetonte.<br /><br />Ngjarja ndodhi kur Vladimr Luli ishte duke rregulluar një tub uji, pranë banesës së tij në fshat ndërsa është konfliktuar me të vrarin Kodra. Ende nuk dihet motivi i krimit, por burimet e policisë thonë se dyshohet se shkak është bërë një konflikt i vjetër që ka qenë mes palëve për motive ende të panjohura.<br /><br />Pas veprimeve të para, policia arrestoi në flagrancë Vladimir Lulin, të dyshuar si autorë të krimit. Ai akuzohet për vrasje me dashje, ndërsa arma e krimit u sekuestrua në cilësinë e provës materiale.<br /><br />Tv Klan
